當年, 著住曼聯神聖的7號球衣的你, 曾經令我地球迷覺得眼前一亮...................
無錯, 你的獨食, 插水, 草裙舞, 亦曾傷透了我們球迷的心.....
]]>
當年, 著住曼聯神聖的7號球衣的你, 曾經令我地球迷覺得眼前一亮...................
無錯, 你的獨食, 插水, 草裙舞, 亦曾傷透了我們球迷的心.....
]]>
香港其中一個睇日落的地方, 就係白泥啦.
白泥位處香港差唔多最北, 由天水圍去到流浮山再轉入去, 楂車大約要15分鐘. 當大家去到流浮山時, 請加倍小心, 因為要單程行駛, 不時有對頭車來. 如果車速太快, 實在好易收唔到制, 同對面車撞到就唔好啦.
]]>
不能否認, 共產黨係成功的.
相信係五週年紀念果陣, 無香港人, 會話六四無死人, 政府無錯.
到六四十週年, 可能有少少聲音, 提出政府係有苦衷, 為左發展迫不得爾.
今年六四二十年, 係中國所謂最自由的地方, 我地新一代對六四點睇呢?
有人話人都死左, 平反完六四又點? 懷疑六四有無屠城? 中央鎮壓六四, 令經濟可以更進一步發展? 死左幾千/幾百, 而換得20年穩定, 值得? 學生根本係動亂, 打死唔少解放軍? 甚麼民主不能一步到位...?
近日, 見到有唔少80s後出生的後生仔女, 係六四論壇提出各膠論:
]]>
小弟因為工作關係, 有機會見到一班二世祖. 二世祖又未到李超人, 四叔, 咁有. 不過, 屋企淨底十幾億, 幾層大廈KEEP住係度收租, 算是食飽唔憂米啦.
本來屋企有錢, 可不一定要做二世祖. 正如, 李國章, 李國能屋企夠多錢, 一個做大醫生, 一個做大法官, 加埋寶BABY, 可謂一門三傑. 咁何謂二世祖呢?
首先講下近排見到的二世祖H, 二世祖係成班細叔伯監視下, 同我地銀行開會, 全程主要都係靜靜雞玩IPHONE. 除左玩IPHONE之外, 二世祖可有一口流利的英語, 仲係一間唔知乜Q I.T.公司的CEO, 佢老兄個BUSINESS MODEL, 可比美GOOGLE, APPLE......不過, 而家都仲研究階段, 仲未有REVENUE, PROFIT.......即是燒緊錢.
]]>
一百萬零一夜. 係今年 oscar 拎左 8 個獎.
成本不過係1,500萬美金. 題材同以前的 oscar winner 有明顯分別, 基本上完全唔關美國本土. 佢係一個地地道道係印度貧民區發生的故仔, 由英國人做導演, 演員當然都係印度人.
故事程節明快, 節奏緊張, 用主角為了童年時, 少年時見到的妳, 去參加百萬富翁呢個遊戲, 再探討印度各種社會問題......貧富懸殊, 黑社會, 歧視, 金錢態度......娛樂性一流, 全無悶場, 絕對值得一看.
]]>
身為一個曼聯人, 無可能唔鍾意GIGGS!
傑斯仔...傑斯佬啦........1990年係曼聯青訓出身, 果陣英超仲未成立, 英格蘭班霸亦唔係曼聯. 但係, 費SIR就係發拙左7小福出來. 最多人鍾意, 當然係BECKHAM AND GIGGS.
本人小時候, 絕對係麻麻地鍾意BECKHAM, 反而由第1次睇GIGGS, 巳經覺得佢係超勁. 不經不覺, 睇左佢差唔多二十年啦. 由20歲唔夠的 GIGGS 仔去到 35歲的 GIGGS 佬.
尋晚, 老將giggs 終於入波啦, 亦成為到而家為止, 唯一可以係每一個球季都入到波的英超球員!!
]]>
不經不覺, 又放完新年呢幾日假. 而家小弟個樣就係好似年初四咁. 一個字, 衰....
農曆新年對小弟呢個上班一族來講, 最大的意義絕對係有假放. 一連5日的大假, 令人心情愉快. 除左放假之外, 最最鍾意就係收利是! 雖然, 小弟巳經唔係細路仔, 但係都仲係好鍾意收利是. 個人認為利是絕對係心理上, 令人開開心心, 精神爽利, 新一年有新開始!
所以, 無論我到幾多歲, 結左婚未, 我都一定堅持新年要收到利是!
]]>
先講一個小故事.
小時候, 老豆對我們小朋友要求極高. 記得有一次, 細妹MATHS測驗拎到99分, 即是差1分就滿分. 老豆見到呢個分數, 竟然極為火滾, 問細妹果1分去左邊?
追求卓越, 做足一百分. 不知不覺成為生活的一部分. 甚至要求做到無限分.... 全力以付,做到最好....
我唔否定, 呢個社會進步係源自某些人追求卓越, 永不放棄.....但係, 如果事事追求卓越, 係唔係對呢個社會有幫助呢? 我好懷疑....
]]>
剛剛的聖誕檔期, 小弟睇的戲不多, 其中一套係葉問.
用真功夫來形容甄子丹的葉問, 可謂絕不為過. 全套戲甄生打足7成, 武打場面之流暢, 甚為難得. 近年的武打片, 只有李連杰的霍元甲可比.
另外, 文戲可謂少之有少, 我相信這可是導演為甄生度身訂造. 大家都知道, 甄生以往文戲一向甚為生硬, 失敗例子, 數都數唔晒.
一言而閉之, 文戲對甄生可謂可免則免. 葉問打足全場, 甄生交足功課, 開正佢果飯.
]]>
金融海潚之快, 和真正的海潚比, 可謂相差無幾. 來之前, 無聲無色. 走果陣, 傷亡處處.
除了信報的羅耕外, 有誰能係2007年10月31日, 能預知恆指2008年10月31日, 可見11,000點? 曹超超, 都曾話今年係26,000 - 32,000. 亞洲股神更慘變股壇神燈, 越估越低, 估到唔敢再估, 舉手投降.
眾然現在故然是評論處處, 惟事後孔明多, 先知先覺少. 簡單少少講, 盡信股神不如信自己. 信唔過自己, 信市場啦.
信市場從何說起? 不如從中資銀行股講起先啦.
]]>
美國者, 美麗的國家也. 美麗的國家, 自然係達成夢想的地方.
由林肯係1862解放黑奴, 引起南北內戰開始.
走到1963年, 馬丁路德.金係華盛頓發表 <>.再走到今日. 奧巴馬成為第一位黑人總統.
呢條路走左超過1個世紀, 當中唔少人費盡心力, 流下不少血汗, 今日佢終於創造歷史. 功勞不在他一人, 但係佢就踢入臨門一腳.
]]>
我回來.
剛剛過去的9月-10月, 發生環球金融海嘯, 令呢個世界巳經唔同左.
世界再唔係以前的世界. 美國不再可以獨大, 中國亦唔知可唔可以站起來.
明天就係美國總統選舉.
世界, 將會係點呢?
次按危機, 金融海嘯....係唔知幾多年後, 都不過係課本入面其中幾版. 再唔係, 俾人讀PHD果陣, 寫返幾份PAPER.
人始終係會向前行的.
]]>
多謝鸚鵡,俾我一日假期,同屋企人係北京奧運期間, 睇左呢套戲, <<一個人的奧林匹克>>.
故事好簡單, 1932年, 中國一個叫劉長春的運動員, 隻身遠赴美國, 參加洛杉磯奧運會. 當時中國正俾日本侵略, 國家四分五裂.
]]>
萬眾期待的劉翔因傷退出, 實在令人失望.
有人陰謀論, 話劉翔怕輸, 所以自己退出. 有人話劉翔係國家希望, 佢贏唔到令全國失望, 由英雄變做國家罪人....所以, 國家叫佢退出.
個人認為劉翔其實巳經盡力而為. 劉翔第一次起跑, 因為有人偷步, 要重身起跑. 因為太痛, 迫於無奈唯有退出. 正是, 如果無人偷步, 劉翔巳經跑完預賽. 所以, 話佢怕輸實在唔成立.
係舉國為劉翔衛冕失敗的同時, 不如反思下, 甚麼是奧林匹克精神?
奧林匹克 = 金牌 嗎?
]]>邊個話香港人無創意?
無論做果個, 同埋唱果個. 都係創意無限.
不過, 做果個就真係傷左少少, 哈哈! 男人最痛!!
]]>