香港其中一個睇日落的地方, 就係白泥啦.
白泥位處香港差唔多最北, 由天水圍去到流浮山再轉入去, 楂車大約要15分鐘. 當大家去到流浮山時, 請加倍小心, 因為要單程行駛, 不時有對頭車來. 如果車速太快, 實在好易收唔到制, 同對面車撞到就唔好啦.
由於白泥的日落實在不錯. 假日, 有不少龍友會特登咁遠來影相. 小弟試過有一次, 係白泥同好友塞車, 完全郁唔到, 真係多人過銅鑼灣, 旺過旺角.
前排聽聞, 政府打算係呢個地方搞個全天侯亞洲最大渡假中心.
老老實實, 希望政府唔好搞咁多野啦.
好好一個大自然景點, 我估都無乜人想做變左做大酒店, 同埋水上樂園嗎?
