小弟因為工作關係, 有機會見到一班二世祖. 二世祖又未到李超人, 四叔, 咁有. 不過, 屋企淨底十幾億, 幾層大廈KEEP住係度收租, 算是食飽唔憂米啦.

本來屋企有錢, 可不一定要做二世祖. 正如, 李國章, 李國能屋企夠多錢, 一個做大醫生, 一個做大法官, 加埋寶BABY, 可謂一門三傑. 咁何謂二世祖呢?

首先講下近排見到的二世祖H, 二世祖係成班細叔伯監視下, 同我地銀行開會, 全程主要都係靜靜雞玩IPHONE. 除左玩IPHONE之外, 二世祖可有一口流利的英語, 仲係一間唔知乜Q I.T.公司的CEO, 佢老兄個BUSINESS MODEL, 可比美GOOGLE, APPLE......不過, 而家都仲研究階段, 仲未有REVENUE, PROFIT.......即是燒緊錢.

首先, 我唔係睇小IT人. 當年GOOGLE, APPLE, MICROSOFT, 甚至係我地國家的騰訊, 都係幾個大學生搞出來. 本身, 我估佢地都無諗過可以發到咁遠. 有夢想係好的. 成功人總要有夢想. 好似, 馬丁路德.金 都有一個 I HAVE A DREAM 的 SPEECH. OBAMA 亦有一句, YES, WE CAN!

不過....二世祖多數都係有一個共通點, 就係講多過做啦.好似MR. H 咁, 佢個BUSINESS PLAN雖然係好遠大, 甚至可以話係造福世界. 不過, 係呢個MOMENT, 都係得個諗字啦. 二世祖巳經唔後生啦, ~35度, 再唔坐言起身, 我估佢個IDEA, 都要留俾佢個仔.

聽落好似好可惜, 惟我深信以H生的家底, 可謂一世唔使憂. 雖然, 我老細唔認同, 生出來巳經可以食飽唔憂米, 你仲想點呢?

都係果句, 任你才高百斗, 都不及好命好運. 係唔係?