一百萬零一夜. 係今年 oscar 拎左 8 個獎.

成本不過係1,500萬美金. 題材同以前的 oscar winner 有明顯分別, 基本上完全唔關美國本土. 佢係一個地地道道係印度貧民區發生的故仔, 由英國人做導演, 演員當然都係印度人.

故事程節明快, 節奏緊張, 用主角為了童年時, 少年時見到的妳, 去參加百萬富翁呢個遊戲, 再探討印度各種社會問題......貧富懸殊, 黑社會, 歧視, 金錢態度......娛樂性一流, 全無悶場, 絕對值得一看.

一百萬除故事出色去, 另外有幾樣野都好值得讚賞.

三位童星實在很可愛, 可能因為是演回自己吧, 完全可以投入角色. 導演係選角方面, 係可記一功.

配樂非常好聽, 我聽唔清楚係唔係印度音樂呢, 有機會要聽下隻soundtrack先.

最後, 奧斯卡可能真係嚮應奧巴馬話CHANGE, 竟然會係選到一百萬來做最佳電影, 真係估佢唔到.

當然, 呢個CHANGE應該係好的!

最後, 故事講到一樣野, "IT IS WRITTEN". 大概係命中汪定云云.

細個果陣唔多信, 大個左覺得係謀事在人,成事在天.

點講都好, 努力現在, 結果係點, 到時先算啦.