不經不覺, 又放完新年呢幾日假. 而家小弟個樣就係好似年初四咁. 一個字, 衰....

農曆新年對小弟呢個上班一族來講, 最大的意義絕對係有假放. 一連5日的大假, 令人心情愉快. 除左放假之外, 最最鍾意就係收利是! 雖然, 小弟巳經唔係細路仔, 但係都仲係好鍾意收利是. 個人認為利是絕對係心理上, 令人開開心心, 精神爽利, 新一年有新開始!

所以, 無論我到幾多歲, 結左婚未, 我都一定堅持新年要收到利是!

隨著年紀的長大, 幾位利是大戶的離開, 利是的銀碼也越來越小啦. 不過, 收利是也不太著數銀碼了, 反而係利是的意義.

團年飯的規模也由一家去沙田食, 轉到幾個人的家中食. 大年初一鐵定的拜年, 也慢慢俾其他活動取代. 我可以自由地訓到中午三點, 都唔會有人郁我...

人總是會長大的. 長大的過程, 有新的伙伴加入, 也有舊的伙伴的離開, 過程總是有悲有喜. 我們只能努力現在. 係新年呢個中國人的大節, 俾個目標自己, 好好珍惜自己的伙伴吧.

不過, 您在那裡生活好嗎?