先講一個小故事.

小時候, 老豆對我們小朋友要求極高. 記得有一次, 細妹MATHS測驗拎到99分, 即是差1分就滿分. 老豆見到呢個分數, 竟然極為火滾, 問細妹果1分去左邊?

追求卓越, 做足一百分. 不知不覺成為生活的一部分. 甚至要求做到無限分.... 全力以付,做到最好....

我唔否定, 呢個社會進步係源自某些人追求卓越, 永不放棄.....但係, 如果事事追求卓越, 係唔係對呢個社會有幫助呢? 我好懷疑....

讀過經濟學的人都知, law of diminishing marginal returns. 即是, 拎80%分, 用20%時間搞掂. 想拎多10%咩, 俾多80%努力啦. 再拎多最後10%? 窮一生精神都未必得......

仲有, 乜野係perfect呢? 你的100%, 即是我的100%嗎? 人人都有自己ANGLE. 唔同人地改, 我就一定要死跟嗎?

咁我地應該用甚麼態度, 去對待呢最後的10%呢? 我有以下見解:

科學家想有突破, 往往係KEEP住果份執著. 即是要拎埋最後果10%, 過程絕對係PAINFUL. 而且, 並不是勤力就可以解決問題, 天分往往更重要, 仲要加上少少運氣. 先成就到愛恩斯坦, 牛頓....如果, 牛頓唔係坐係個蘋果樹下面, 無個蘋果跌落來. 可能, 大家要等多10年先知道有地心吸力呢.

但係, 我地普通人又如何呢? 其實事事做到85分,巳經好不錯呢. 畢竟, 要俾進步空間俾自己. 另外, 係資源分配會更為EFFICIENT. 可能俾到個BALANCE LIFE, BALANCE MINDSET自己呢.

不停追求某方面的卓越, 正是贏了一場戰爭, 輸了成個戰役. 

 係唔係?