剛剛的聖誕檔期, 小弟睇的戲不多, 其中一套係葉問. 

用真功夫來形容甄子丹的葉問, 可謂絕不為過. 全套戲甄生打足7成, 武打場面之流暢, 甚為難得. 近年的武打片, 只有李連杰的霍元甲可比. 

另外, 文戲可謂少之有少, 我相信這可是導演為甄生度身訂造. 大家都知道, 甄生以往文戲一向甚為生硬, 失敗例子, 數都數唔晒.

一言而閉之, 文戲對甄生可謂可免則免. 葉問打足全場, 甄生交足功課, 開正佢果飯.

當然, 葉問再加入了一個重要的賣座元索, 就係中國人的民族情意結, 加上用極都唔會老的反日抗戰情意結. 中國人打低日本人, 日本人又出古惑........

雖然用左N咁多次. 不過, 正所謂, 橋唔怕舊, 最緊要受. 係戲院入面, 有人拍晒手掌, 就係呢兩場戲啦.

葉問有兩樣野, 倒是值得反思. 葉問係全廣東話對白的. 係今時今日, 大家都北望神州之際, 全廣東話對白, 真係少之有少. 大片如投名狀, 長江7號.........................., 都係配廣東話...或全普通話. 葉問全用廣東話, 絕對令本人大感親切

另外, 葉問班底唔算太厚. 除左甄生之外, 實在無出名大牌名星. 係聖誕檔期入面, 俾云云西片, 日片, 泰片圍剿下, 仍然勇奪票房NO.1, 18日巳經收到2000萬, 證明港產片份是有希望的.

身為香港人, 我會繼續支持港產片!