金融海潚之快, 和真正的海潚比, 可謂相差無幾. 來之前, 無聲無色. 走果陣, 傷亡處處.

除了信報的羅耕外, 有誰能係2007年10月31日, 能預知恆指2008年10月31日, 可見11,000點? 曹超超, 都曾話今年係26,000 - 32,000. 亞洲股神更慘變股壇神燈, 越估越低, 估到唔敢再估, 舉手投降.

眾然現在故然是評論處處, 惟事後孔明多, 先知先覺少. 簡單少少講, 盡信股神不如信自己. 信唔過自己, 信市場啦.

信市場從何說起? 不如從中資銀行股講起先啦.

首隻中資銀行股, 交通銀行3年前係主板上市果陣, 唔少評論走出來講, 中資銀行股CORPORATE GOVERNANCE唔好, 透明度不足, 估值貴云云. 有些評論更指出, 買交行不如買HSBC. 當時, HSBC 市值可不及CITI GROUP, 即是當時大家都認同 CITI GROUP係好好穩陣.

2008年10月, 大家又點睇呢? 花旗風雨飄移, 搖白旗投降就有份. HSBC又如何? 雖然未要政府救, 惟元氣大傷, 三條腿不再走路, 反而企左係度. 而家仲有日日俾人傳要集資. 呢個時刻, 邊個最可信? 國企銀行是也, 以1398為首, 939 & 3988次之, 佢地次按唔多, 有國家支持, 最穩陣!

可惜, 太陽之下無新事. 今日最強的中資銀行, 歷史不足30年. 今天固然可以也文也武, 難保30年後, 人工得幾千銀的CEO玩得太大, 變成另一間CITI GROUP, 或者係另一間 CITIC GROUP. 無人想30年後, 60幾歲果陣, 1月1手慢慢供返來的1398變成廢紙吧?大家必須知道, 政府只保存戶, 可不保投資者呢!

咁長線投資者點算呢? 1398 唔玩得? 941 又如何? 857 點呢? 0001 好唔好? 2628 又點算?

老老實實, 為左唔想做無牌股神, 我唯有推薦你買 2800.

無論0001個李嘉誠有幾長命, 定係0012個李家誠個女會唔會炒燶乜乜. 2800都一定仲係度, 跟住個經濟走, 市好時佢好, 市差時佢差. 真真正正50年不變.

除左2800, 相信只有他, 可保證你50年不變. 再加馬照跑, 舞照跳! 好野!