萬眾期待的劉翔因傷退出, 實在令人失望.

有人陰謀論, 話劉翔怕輸, 所以自己退出. 有人話劉翔係國家希望, 佢贏唔到令全國失望, 由英雄變做國家罪人....所以, 國家叫佢退出.

個人認為劉翔其實巳經盡力而為. 劉翔第一次起跑, 因為有人偷步, 要重身起跑. 因為太痛, 迫於無奈唯有退出. 正是, 如果無人偷步, 劉翔巳經跑完預賽. 所以, 話佢怕輸實在唔成立.

係舉國為劉翔衛冕失敗的同時, 不如反思下, 甚麼是奧林匹克精神?

奧林匹克 = 金牌 嗎?

劉長春係中國奧運第1人, 係1932年隻身坐左3個星期船, 參加洛杉磯奧運會. 當時無贊助, 無隊友, 無支持者, 甚至國旗都係臨時整出來. 整個奧運, 中國隊只有1人, 就係劉長春.

劉長春參加左100米, 200米, 400米短跑. 一個獎牌都拎唔到. 咁代唔代表劉長春失敗呢?

奧林匹克精神係著重參與, 公平競爭, 自強不息, 奮力拼搏, 運動員風範........並唔係金牌. 劉長春係無任何SUPPORT的情況下, 隻身實現左中國奧運夢, 英姿實在令人尊重!

你可以話劉翔今日, 習萬千寵愛在一身, 唔應該同當日的劉長春比. 但係, 佢巳經盡成而為, 勉強出戰, 努力同傷患搏鬥. 最後雖然因傷退出, 唔通真係要為失落一面金牌, 而責怪劉翔嗎?

我唔會啦, 而我亦相信很多中國人都會繼續支持你的!

2012年, 倫敦再見!