多謝鸚鵡,俾我一日假期,同屋企人係北京奧運期間, 睇左呢套戲, <<一個人的奧林匹克>>.

故事好簡單, 1932年, 中國一個叫劉長春的運動員, 隻身遠赴美國, 參加洛杉磯奧運會. 當時中國正俾日本侵略, 國家四分五裂.

萬眾期待的劉翔因傷退出, 實在令人失望.

有人陰謀論, 話劉翔怕輸, 所以自己退出. 有人話劉翔係國家希望, 佢贏唔到令全國失望, 由英雄變做國家罪人....所以, 國家叫佢退出.

個人認為劉翔其實巳經盡力而為. 劉翔第一次起跑, 因為有人偷步, 要重身起跑. 因為太痛, 迫於無奈唯有退出. 正是, 如果無人偷步, 劉翔巳經跑完預賽. 所以, 話佢怕輸實在唔成立.

係舉國為劉翔衛冕失敗的同時, 不如反思下, 甚麼是奧林匹克精神?

奧林匹克 = 金牌 嗎?

邊個話香港人無創意?

無論做果個, 同埋唱果個. 都係創意無限.

不過, 做果個就真係傷左少少, 哈哈! 男人最痛!!

2008年, 奧運聖火最後一捧, 由中國體操王子李寧點起, 係超過20億觀眾前面, 個人表演接近五分鐘.

雖然, 當日的體操王子, 巳經不再型仔, 體型變得有少少肥仔, 仲有個地中海. 係佢身上再難以睇到體操王子個身影. 因為, 李寧今日巳經成為李寧體育用品個CEO.

"工商東亞發表報告, 重申李寧公司(2331.HK)「買入」評級以及目標價24.0港元。該行相信李寧本人在北京奧運開幕式上的傑出表現, 將有力地提升李寧品牌在國際體育界的知名度。 工商東亞表示, 李寧公司不僅贊助中國乒乓、跳水、體操和射擊等多支金牌運動隊, 以及瑞典和西班牙奧運代表隊征戰北京奧運, 更贊助中央電視台體育頻道所有工作人員全套裝備, 在奧運期間成功提升了品牌形象和知名度。"

很久沒有回中大了....

晚上, 火車和我, 兩個中大人, 沿著多灣的大埔道, 慢慢走到中文大學. 經過本部, 走過百萬大道, 再上蒙文偉樓, 走過UC, 望見君子塔, 淑女塔,長命斜.....終於, 我們再回到這裡, 中文大學逸夫書院.

暑假的關係, 大學的學生不多. 晚上坐係文瀾堂前, 我地去返幾年前, 夜晚對住吐露港吹水. 不過, 以前係短褲係宿舍走落來, 而且唔止2個人....

小弟買左車一排, 係好朋友火車的訓練下, 終於夠膽自己出動啦! 不過, 由於技術始終都係麻麻地, 多數都係夜晚先出動, 貪佢無乜車, 易行MA!

原來香港有唔少地方, 風景都真係幾好! 呢度會慢慢同大家介紹下. 而第一站係, 香港車震熱點, 飛鵝山!

飛鵝山大約係...彩虹附近,離市區大約5-10分鐘車程. 上山條單程路超黑, 唔開大燈, 真係五步都未必睇到. 所以, 上山一定要開大燈. 另外, 山路實在難行, 轉來轉去, 又要上山, 甚為挑戰駕駛技術, 對初哥的我來計, 實為一大考驗.

首先聲明, 呢條友唔係我, 我無佢咁靚仔.

呢位人兄, 係香港首位買到3G IPHONE的朋友. 你睇下佢個樣, 幾開心? 唔知真係以為佢中左六合彩! 最緊要係佢果件T-SHIRT, JEALOUS? 真係唔好話唔難頂.

尋日IPHONE係全球22個國家地方, 同步發售. 世界各地, 都引起呢個搶購潮. 當然, IPHONE外型絕對係一絕, 功能更加係勁. 小弟都覺得其他電話, 係某程度上, 真係唔夠佢來. 除左可以打+聽之外, 仲可以聽歌, 影相, 睇片, 上網, GPS...ETC. 真係可謂應有盡有.

見到咁多人買IPHONE, 仲要買完之後個個都四萬咁口, 最開心係唔係應該係佢呢?

從來都覺得, 杜琪峰電影, 女孩子是不會明白的.由N年前的鎗火, PTU, 再到近年的放逐, 黑社會, 文雀.....杜琪峰電影, 從來唔係正常女孩子的果杯茶.

閒時, 同妹妹傾起, 妹妹的反應多數是...都唔明佢拍乜, 或者, 成套戲都係男人, 有乜好睇?當然, 我唔應同妹妹. 但係, 我明白佢點解咁講.

JOHNNIE TO MOVIE 從來唔拍女性, 唔知係杜SIR唔識拍, 唔想拍, 定係唔鍾意拍. 總知, 係杜琪峰電影入面, 男性的情義主導一切. 對白不多, 但一個鏡頭, 男孩們 "心照" 呢兩個字, 盡在不言中. 

很久無睇小說啦. 上一半小說, 係剛剛離開上一份工果陣, 定係剛剛大學畢業呢?真係唔記得. 反正是咸豐年代的事.

記得讀書年代, 小弟可是一個小說迷. 金庸, 衛斯理, 古龍, 畢華流, 銀河英雄傳說, 大學時間比較忙, 不過, 都睇左康熙帝國, 雍正etc...當年仲有睇左一大埋股票書啦.

剛剛過去的爸爸節, 由於小弟的老豆唔係香港, 阿媽同朋友來個香港一日遊. 所以, 我成日係屋企行行企企.

一場波, 踢到120分鐘, 踢到兩面都散散, 都好想爆粗果陣.

解決方法, 唯有係射12碼.

有人話呢個係最殘忍方法. 小弟覺得呢個係最公平方法, 無球證阻住, 唔會有問題球. 大家輪流放低個波, 幾步助跑, 再射足5 ROUND. 一係入, 一係唔入. 殘忍得來, 不失公道!!

正如, 你會聽到有人話, 邊球未過白界, 係旁證睇唔到! 或者, 明明係越位, 點解球證唔吹!

而唔會聽人講, 明明球12碼係白界唔知入唔入, 球證錯判! WELL, 你聽到唔該單聲俾我聽, 我幫你報警.

4年前歐洲國家盃, 小弟正在大陸工作, 邊睇波邊做野. 點知, 場波估果隊, 果隊即時出局. 眾舊同事對小弟, 可為又敬又愛, 並封小弟為船長! 正謂一坐即沉, 球場神燈, 買波仲要係集體坐我對家.

上年, 最後係希臘捧盃, 真係冷到你唔信.

有人認為, 利記同阿記+車仔一樣, 今年都係四大皆空. 但係, 小弟覺得, 阿記同車仔, 今年某程度上, 都算係無運, 唔可以算做失敗. 不過, 利記今年表現, 個人認為絕對可以用失敗來形容.

先講講成績先. 聯賽排第四. 其實排第幾無所謂, 反正只有頭二先可以直接踢EU. 問題係利記係12月之前, 巳經俾其他三隊, 踢出爭標行列. 反觀阿記一直帶到2-3月, 都仲係LEAD緊.車仔同曼聯鬥到最後一場, 先分出高下. 利記仲要為會唔會俾愛華頓追到而擔心, 同另外三隊實力, 可謂差唔止一班波.

縱使佢有幾黑人憎+幾寸+幾囂張, 無左佢的英超, 始終好似差左D....

睇到佢再暗寸格蘭, 除左想車巴佢之餘, 不能否認佢真係有料到!

11/5, 先力壓車仔, 勇奪第十次英超冠軍!

人可以做的很少? 人可以做的很多!!

我決定呢兩個月 (MAY+JUNE), 唔買新野玩 (包括歐洲國家盃波衫2件), 將D錢捐俾紅十字會!

希望, 大家有錢出錢, 有力出力!

多謝多謝!

小弟縱橫職場數年, 雖然只不過係做左幾份工, 但係曾經面對的老細, 大大話話, 都有十幾個. 當中, 有兄長型的老大FC, 有朋友型的AUDIT MANAGER, 有MASTER型的AUDIT PARTNER, 有家姐型的AIC. 當然, 亦有無能型的老細.

但係, 見過咁多老細, 都唔夠宜家呢個正! 呢度不妨俾個代號佢: 渣打獅子王!

BACKGROUND: 女性, 今日剛好47, 單身, 無拖拍, 未結過婚, 無仔女.

外型: 中等身型, 瘦削, 獅子爆炸髮型, 個樣麻麻地, 戴眼鏡, 行路快.

講左少少BACKGROUND, 大約都知道, 獅子王係乜野人啦. 一句講晒, 女強人. 當然, 跟女強人老闆, 絕對無問題. 不過, 最大劑係跟個傻GE女強人老闆, 就真係大問題!

近排, 小弟的一個好友, 突然愛上日劇. 朋友一向比較懷舊, 佢唔係追木村新果套<<華麗一族>>, 反而係追木村10年前的<<悠長假期>>,<<戀愛世紀>>. 當年, 即90年代中啦, 好友為愛國愛黨人士, 痛恨日本文化. 今日無端端睇返, 仲要大讚特讚, 小弟真係估佢唔到.

不過, 講返轉頭, 小弟當年非常鍾意睇日劇. 甚至間唔中會夢想識得個女仔, 好似松隆子咁正! 當然, 發夢就有得我諗下, 現實絕對係殘酷.....哈哈哈! 當年日劇點解咁成功呢? 無他, 靚人, 靚景 + 故事有時代感etc.....但係, 今日睇返, 時代感都仲係度, 可見當時日劇質數之高, 實係唔講得少!

休息左一排無寫BLOG. 一來, 因為返工真係超忙. 二來, 俾少少時間自己REFRESH下, 始終都係時間抖下.

抖完啦, 返來第一件事, 講返套戲先. 無錯, 係過氣左少少, 呢套戲係 <<長江7號>>.

相信新年果陣, 都有好多人, 都有入場睇呢套戲. 好多朋友都話個STORY好感人, 徐嬌好好戲, CG好得意. WELL, 呢個我唔敢俾COMMENT. 不過, 我相信大家入場, 唔係睇STORY, 更唔係睇徐嬌. 大家都係為左佢, 星爺.

不過, 今次真係好失望.